مفيش حد هيشترى منتجك الا لو محتاجه، فلو عاوز تضاعف مبيعاتك، لازم تدخل جوه دماغهم، وتعرف بيفكروا ازاى؟ ايه المشاكل اللى بتقابلهم؟ ايه اكتر حاجه ممكن تخلية يشترى المنتج بتاعك؟ هتتعلم ازاى تقدر تحدد بالظبط مين العميل بتاعك، هتعرف ازاى توصله وازاى تقدر تقنعه بالمنتج بتاعك والاهم هو امتى بيشترى المنتج؟

هل المنتج بيتباع مرة واحدة؟ ولا بيتباع اكثر من مره؟ ازاى تظهر المنتج بالشكل اللى يخلى العميل يسيب المنافس ويشترى منك حتى لو سعرك أعلى من المنافسين؟ ازاى تصمم منتج وتسعر وتعمل عرض ينافس المنتجات الموجوده فى السوق، هتتعلم كل ما يخص المنتج وازاى تحدد بالظبط ازاى هتدخل بالمنتج ده السوق.

كلنا بنشوف اعلانات كتير سواء على الفيسبوك او اى حته تانيه، فى اعلان يوقفك ويخليك تشترى المنتج، واعلان بتتجنبه، هتتعلم ازاى تعمل اعلان يعلق فى ذهن اى حد يشوفه؟ اعلان مختلف عن اعلانات المنافسين كلهم! بحيث اى حد يشوفه يقف عنده ويقول فعلاً الشركة دى مختلفه ويشترى منك!

المحتوى هو الطريقة اللى بتقدر توصل بيها المعلومه وكتابة المحتوى تعتبر المهاره الاهم فى السوق دلوقتى، هتتعلم ازاى تكتب محتوى وهتتعرف على انواع المحتوى اللى ممكن تعمله وتستخدمه فين وازاى؟ كمان هتتعلم الاستراتيجية الخاصة بينا اللى بنعمل بيها محتوى وازاى ممكن تطبقها فى البيزنس بتاعك.

العميل بيدور على فرصه انه يهرب وميشتريش منتجك، لو انت مش شاطر فى البيع مش هتقدر تقفل البيعه ودى حقيقة محدش يقدر ينكرها، هتتعلم ازاى تربط عمليات التسويق بالبيع بحيث انك تربط العميل بالمنتج بتاعك عشان ميشوفش غيرك، والاهم انك تعرف تكلفة العميل ده كام لان ده اللى هيخليك عارف بالظبط محتاج تصرف كام عشان تحقق كام، وساعتها هتكون قادر تكبر الشركة لاى حجم انت بتحلم بيه.