المشكلة اللى بيعانى منها معظم الشركات في الوقت الحالي هي صعوبة تحقيق ربح من الإعلانات اللى بيعملوها سواء على الفيسبوك او أي قناة تسويقية ثانية

حتى ان فى ناس كتير مش بتعرف تبيع خالص اونلاين.

في أسباب كتيره للمشكلة دى:

ممكن مشكلة في الاستهداف، مش بتعرف توصل للعميل المحتمل ليك

ممكن مشكلة في كتابة المحتوى او طريقة عرض المنتج نفسه

ممكن مشكلة في طريقة استخدام الفيسبوك في الإعلانات او اى قناة تسويقية تانية

ممكن مشكلة في طريقة البيع نفسها، الشخص المسئول عن الرد على العملاء مش مؤهل

الاسباب كتير جداً وبيكون صعب عليك تكتشفها لوحدك.

في عميل اشترك معانا في الكورس وهو بيعرف نفسه حكى قصة بسمعها بتتكرر كتير جداً

والكلام ده هتسمعه من العميل نفسه تانى فى الكورس.

قال انه مؤخراً كان بيفكر جدياً يبيع البضاعة ويقفل البيزنس خالص، عشان حاول يبيع المنتج بنفسه لكن معرفش ولما اتفق مع شركة تسويق اخدوا منه 25 الف جنيه والنتيجة كانت اسوء من النتيجة اللى كان بيجيبها لنفسه، المشكلة مش في المبلغ ولا حتى النتيجة اللى وصلها معاهم، المشكلة ان شركة التسويق دى قالتله ان المنتج بتاعك مفيش طلب عليه في السوق، وده وارد احياناً، لكن لو قولتلك المنتج ايه مش هتصدق ان ممكن شركة تسويق تقول الكلام ده، العميل ده بيبع ملابس رجالى اونلاين!

ولما سالته طب ليه اشتركت في الكوس؟

قالي انه شاف ويبنار ليا بتكلم فيها عن استراتيجية لإعلانات الفيسبوك وراح طبقها وأول يوم حط 500 جنيه في الإعلانات وباع بـ 5000 جنيه.

وساعتها قرر يدخل الكورس.

اتصلت بالعميل بعد شهر تقريباً من انتهاء الكورس وبسأله اخبار الشغل ايه، قالى الحمد لله حلو جداً وعرفنى انه باع اكتر من 70% من البضاعة.

انا مش قادر اوصفلك حالة الرضا اللى كنت فيها لما سمعت الكلام ده.

حالة زى دى بتسعدنى اكتر بكتير من الفلوس اللى اخدناها من العميل ده.

الفضل كله يرجع لربنا، احنا كل الحاجات اللى بنطبقها وبتحقق معانا نتيجة اكتشفناها بتوفيق من ربنا.

احياناً كل اللى بنحتاجه عشان نحل مشكله او نوصل لهدف معين اننا نتبع نفس خطوات شخص مر بنفس التجربه وفشل وجرب وفشل تانى وجرب لحد موصل لحل للمشكلة او حقق الهدف اللى احنا عاوزين نحققه.

ده بالظبط اللى بنقدمه في كورس ضاعف مبيعاتك بنفسك خلال 90 يوم، انك توصل لنفس النقطة، نفس نظام التسويق اللى بنشتغل بيه لينا ولعملائنا هو اللى هنعلمهولك، واللى هيخليك تقدر تبيع منتجك/خدمتك لأى عدد انت عاوزه مهما كان نشاطك ايه.

الكورس هيوفرلك المعرفة اللى انت محتاجها عشان تبيع لاى عدد عملاء انت عاوزه وهتتحكم فى ميزانيتك، عارف بتصرف كام بالظبط وداخلك كام٫

نفس نظام التسويق اللى وصلنا للمرحلة دى هيوصلك انت كمان للمكان اللى عاوز توصله٫

وهيكون معاك شهر تجرب فيه الكورس وليك الحق انك ترجع الفلوس اللى دفعتها بدون ابداء اسباب.

الكورس فيديوهات مسجله حوالي ٢٤ ساعة

متقسم 6 اجزاء، كل جزء بيغطى جزء من السيستم، وهتطبق بشكل عملى على البيزنس عندك